آسف جدا

طبعا دي كلمات أغنية مصطفى كامل "آسف جدا" بس أحيانا الأنسان ممكن من كتر ما هو حاسس بشئ أوووووى إنه يتوحد معاه أوي لحد ما يحس كأنه نابع منه هو ....



آسف جدا..على اخطائي..
آسف على بركان اشواقي..
آسف اني غصبن عني كنت كتير على حبك باقي..
آسف لو على عمر آمنتك..
آسف ما جرحتكش وخنتك..
كنت فنارك وطنك دارك كنت فليل الغربه مدينتك..
..آســــف..

اللي حبك يوم انا..
اللي كان موهوم انا..
كل جرح ناره قايده كان خطأ مني انا..
اللي عاش مخدوع انا..
واللي نهايته دموع انا..
لو حلوم حد النهار ده مش حلوم غيري انا ..

ايام وسنين اخلاص وحنين ماشي.. ورامي القلب فحضنه..
عيون خاينين احضان سكاكين راجع شارب منهم حزن..

انا لو آسف ..
آسف اني..اني فيوم قربتك مني كان احساسي فبعدك عني ظلمه وعتمه ورعب و خوف..
كنت عايشلك ثانيه فثانيه..
كنت بحس ان انت الدنيا..
بيني وبين الناس التانيه حاجز عاجز فاقد الشوق..

آسف جدا على اخطائي..
آسف على بركان اشواقي..
آسف اني غصبن عني كنت كتير عن حبك باقي..
آسف لو على عمري امنتك..
آسف ما جرحتكش وخنتك..
كنت فنارك وطنك دارك كنت فليل الغربه مدينتك..

سبني اعيش فنهار سبني اضيع وانهار..
سبنى جايز انسى مبارح وانسى احزاني انا..
ابقى مين او إيه ابقى حبيبك ليه؟!..
ده انت عايز قلب جارح قلب غير قلبي انا..

احساس كداب غدار قلاب.. كل كلامك وهم وكدب.. انسان بياع جراح خداع.. تعرف ايه انت على الحب؟!

انا لو آسف بتاسفلك لو في حياتك كنت واقفلك كنت كتير عمال بحلفلك اني هعيش العمر معاك..
كان صعبان على قلبي خضوعك كنت ملك بي وكنت قلوعك كنت مصدق كل دموعك كنت بحس ان انت ملاك ..آسف..
..آســف جدا..

مبارة كرة القدم بين فلسطين واسرائيل

بسم الله الرحمن الرحيم
أعزائي المشاهدين عادل شعبان يحيكم من استاد حقوق الأنسان ويسعدني ان اقدم لكم الوصف التفصيلي للمبارة الهامة والحاسمة بين فريقي فلسطين وإسرائيل في الدور قبل النهائي من تصفيات كأس العالم 2050 المقامة في العاصمة المصرية كوم الشؤافة
الحمد لله الجو حلو اوي النهاردة رغم تحذيرات الأرصاد الجوية بإن درجات الحرارة هترتفع ل 60 درجة بس الحمد لله معتقدش انها تعدت ال 50
حسب منا شايف والله اعلم الفريقين نزلو ارض الملعب في جو يسوده روح الهدوء والطمنأنية والأخوية ..... طبعا زي ما احنا عارفين ان كاان الاتحاد الدولي لكرة القدم عاوز يلغي المبارة إلا ان الولايات المتحدة استعملت حق الفيتو واصرت على استكمال البطولة بشكل طبيعي لأن ده يعتبر تمهيد للتطبيع المطلوب من جانب السلطة الفلسطينية قبل اعلان قيام الدولة الفلسطينية اواخر عام 2051 بإذن الله ... ولضمان سير المبارة بشكل هادي قرر الفيفا انه يبعت 5 مراقبين دوليين من امريكا والصين وانجلترا وروسيا وفرنسا ......
انا شايف ان الحكم الأمريكي اسفكسو بينده على شمعون كابتن منتخب اسرائيل و عبد العاطي كابتن منتخب فلسطين الشقيق لأجراء القرعة لأختيار الأرض ..... لكن انا شايف حاجة غريبة اوووي .... شايف اسفكسو بيوشوش عبد العاطي وبيشاورله بإيده على ودانه نظام عاوزه ينفض يعني ويكبر.......... انا بصراحة مش فاهم فيه ايه ..... ااااااااااااااه انا فهمت اصل شمعون راسه والف جزمة ليختار الكورة والأرض عشان هو مش مطمن وخايف يكون الفلسطنين ملغمين احد الملعبين الجمهور عمال يزعق ويشتم الحكم وفيه بعضهم بدأ يحدف ازايز بيبسي حجم الصاروخ حتى الاطفال بيحدفو علب الكلة ........ وبعد ربع ساعة من المناقشات والشد والجذب ....... رضي عبد العاطي انهم ياخدو الارض والكورة بس اصر على انه الحكم يكتب الحادثة دي في تقريره للفيفا ويثبت شجبه وإعتراضه وتنديده ....
تجمع الفريق الفلسطيني حوالين المدرب المخضرم عباس جد مازن وراحو اهو انا شايفهم عشان يحيو الجمهور اللي ملا مدرجات الاستاد .....جمهور من كل انحاء الدول العربية جه النهارده عشان يقف ورا المنتخب الفلسطيني الشقيق ..... اعلام كتير مختلفة بين مصر والسعودية والولاية ال 51 ( العراق سابقا) .... ولكن رغم اختلاف الاعراق والاديان والمذاهب الاا ان اللسان واحد حتى ان الكل تقريبا وفي نفس واحد عمال يردد اغاني حماسية لتشجيع منتخبنا الفلسطيني .... يمكن من اكتر الأغاني اللي بجد اثرت فيا اغنية كوز المحبة اتخرم ترطش على كمي ..... ياه يا جماعة متتصوروش كل ما اسمع الاغنية دي اد ايه عنية تدمع واقعد افتكر امجاد العرب
رجع الفريقين وبدأو ينتشرو في ارض الملعب استعدادا لبداية المبارة ..... وهيكون على يمينا المنتخب الفلسطيني باللون الاخضر الشهير ...... وع الشمال منتخب اسرائيل بالمبمى المسخسخ ... انا شايف دلوقتي اسفكسو بيبص للأينز مان "وحيد" الحكم الدولي المصري واللي مصيتنا دايما في كل البطولات الدولية .... ويصفر الحكم ليعلن بداية الشوط الاول .....
بداية حماسية للفريق الفلسطيني ...... بيلعب عبد العاطي يديها لعبد المعطي يرفعها لعطية يباصيها لعبد الفتاح........ ويجري فتاح ...... يجري فتااااااااااح وداخل دااااااااااااخل ..... ايه ده ........ انا زي ما يكون متهيألي ان فتاااح بيخش ع منطقة جزاء فلسطين مش اسرائيل ..... انا شايفه اصلا عمال بيرقص حمص .... حمص وفتاح ... حمص وفتاح .... وعباس من برة الخط يا عيني هيتجنن ايه اللي بيحصل ده ... ايه اللي انا شايفه ده ...... يابني ده الجول بتاعناا انت رايح فين ........ ويضطر حمص انه يعمل فاول تكتيكي مع فتاح عشان يوقفه لأنه لو عدا منه كانت هتبقا انفراد تام بشعيب كريم حارس مرمى المنتخب الفلسطيني الشقيق .....
الجمهور من برة عمال يصفر ..... وواقف في زهوووول تااااام ....... اول مرة في تاريخ كرة القدم يحصل فاول من لاعب نفس الفرقة ..... والأغرب ان الحكم اسفكسو اداها فاول لإسرائيل ....
وقدامي اهو خبير الكرات الثابتة رفايل بومبة هيلعب الفاول من ع حدود منطقة الجزاء .... والحارس شعيب بيوقف الحيطة .......... انا لسة شايف حمص وفتاح عمالين يتخانقوا مع بعض ..... ياجماعة كفاية ....... بومبة داخل ع الكرة ... داخل ..... ويستغل بومبة ثغرة في الحيطة وحمص وفتاح بيشدو في بعض عشان يجيبها جوووووووووول ....... وتصبح النتيجة 1/0 لأسرائيل
والله كانت شوطة ضعيفة نسبيا..... يعني في الأعادة هنلاقيها اصلا في وسط الجول ..... بس للأسف استغل بومبة الثغرة في الحيطة بمنتهى الذكاء وشاطها ارضيه زاحفة .... وكان شعيب مغطي الزاوية البعيدة بإعتبار ان الحيطة كانت مغطية الزاوية القريبة ......
بس معلش يا رجالة لسة فيه ع ساعتي اكتر من 10 دقايق على نهاية الشوط الأول ممكن نعمل فيهم كتييييير ........
وهنا هجمة لمنتخب فلسطين ..... ويعكس الملعب فهمي .. يوديها عند اللاعب المخضرم إبراهيم حسن ... بس ابراهيم جسن الفلسطيني مش الله يرحمه ابراهيم حسن المصري تؤام المدرب وعميد لاعبي العالم حسام حسن ربنا يخليه لينا .... ع فكرة يا جماعة إبراهيم حسن اكبر لاعب في منتخب فلسطين ...... من جيل العمالقة ..... جيل موسى حليم و اسحق عيسى وأحمد عبد الرؤوف ..... الجيل اللي صنع مجد وسيمفونية البطولات لمنتخب فلسطين العريق
وماشي ابراهيم حسن ... ماشي وانا شايفه دخل منطقة جزاء اسرائيل ومستني حد يجيله عشان يرفع الأوفر ... محدش جه ... فين الناااااااس ......... كلهم لسة ورا ..... اتحاصر ابراهيم من اتنين مدافعين .... مكنش ليها حل غير انه يضربها فيهم يطلعها كورنر .......
شايف المدرب الأسرائيلي ........ بنيمين شارون بيطلب تغيير ........ وهيطلع المهاجم بومبة ........ ويدخل المدافع ونجم فريق نادي الزمالك المتألق روبيرتو دانا ....... طبعا زي ما احنا عارفين ان روبيرتو من ام انجليزية واب ايطالي ويؤمن بالعقيدة الهندوسية ... لكن اما إسرائيل شافت ابداعاته مع نادي الزمالك واسهاماته في صعود الفريق من دوري الدرجة التالتة قررت انها تمنحه الجنسية الأسرائيلية ........
دانا بيستعد مع فريقه لركلة الركنية ...... وبيرفعها "المعتمد" من فلسطين ..... وعاليةةةةةةةةةة ...... وايه ........... ده اللاعب باراك مخرجها من وسط المرمى بإيده ... والمنتخب الفلسطيني بيعترض وبيطالب الحكم اسفكسو بضربة جزاء صريحة وطرد باراك .......وانا شايف وحيد رافع الراية وبيشاور للحكم بضربة جزاء صحيحة للمنتخب الفلسطيني ......
الجمهور ثاير ........ والملعب كله عمال يزعق ويشتم في الحكم ....... رايح الحكم يتكلم مع اللاينز مان "وحيد" ..... وشايف اسفكسو عمال يشاورله وكأنه بيقوله انت مش بتشوف.... ايه اللي بيحصل ده يا جماعة ...... وحيد بيوقف الحيطة برة منطقة جزاء اسرائيل ...... الحكم احتسبها ضربة حرة مباشرة من برة منطقة ال 18 ... ومرضيش يدي باراك ولا حتى انذار على اعتبار انه كان غير متعمد وإكتفى بالتحذير الشفوي ....
الثوران في الجمهور زاد ..... وانا شايف رجال الأمن المركزي بدأو يضربو في الجمهور بالشوم عشان يسكت ..... يا خبر أبيض ........ دول بدأو ياخدو اي حد مربي دقنه ..... دول حتى معتقوش الدوجلس ..... حتى يا عيني كان فيه بنت عملة وشم على دقنها افتكروها مربية دقن وخدوها .........
بعد 15 دقيقة ...... بدأ الوضع يهدى ..... واستعد المنتخب الفلسطيني للضربة الحرة المباشرة ....... وانا شايف حمص وفتاح على التسديد ....... يا ترى مين اللي هيشووووط ....... حمص و فتااااااااح ...... وياسلام يا رجالة حمص يغمزها كده لفتاح عشان يحطها نموذجية تخدع الجميع وتحجز ليها مكان في الركن البعيد الهادي من الشبكة ولا يقدر حارس المرمى عذرا بوش انه يعملها اي حاجة .......... لتصبح النتيجة 1/1
ويصفر الحكم بإنتهاء الشوط الأول من مبارة فلسطين وإسرائيل

........................................................... الباقية تأتي قريباااااا بإذن الله .......

شهيد رضاك

ليه القسوة بقيت طبعك ياحبيبي ليه نسيت مين اكتر قلب بيهواك
هو انا ذنبي يعني اني حبيتك ولا قدري اني اموت وانا مش معاك
جايز مقولتش كلمة بحبك بس كل لحظة كنت في بالي بستناك
معذور لو انت محستش بيا ومسامحك لو كل يوم تكويني بمناك
هعيش طول عمري عشانك واموت فدى سعادتك وشهيد رضاك
وانا مهما الشوق يكويني عمري ما هقولك بحبك ولا هبعد عن سماك

أعذرني ...... فإني إمرأة

قالت: اعذرني فاني امراة تود لو أن تحلق في السماء
مالي والحب بمملكتك مالي وكأس العناء

أحانت يا زماني لحظات الصمت عند اللقاء
أزالت بك آمالي وغربت عني شمس الهناء
جفت يا ليل دموعي ولم تبق عبرات إلا الدماء
فلم تنبض يا قلبي ولم يعد لك نديم سوى الفناء
كيف تشرد يا فؤادي وتهلك نفسك شر البلاء
الم ترى بعينيها "حسبك" وكنت تظنها رسالة ثناء
كنت أنشدها نزيف قلبي وأحسبها تطرب للغناء
كانت تنصت آهاتي وما تداويني إلا بالدعاء

فإذا فقدت يا قلب إيمانك بنفسك وبالضياء
فإعلم أن الإرادة منبرعزتك فلا ترضى ثوب الذل رداء
هكذا الدهر يمضي بنا يوما أمل يوما رثاء

في مناجاة دكتور محمد هاشم

صلينا الفجر حاضر وقولنا أمانة يا أم هاشم تتسهل المواضيع
ودكتور محمد هاشم يحن علينا كفاية بقا فينا تقطيع
داحنا اتقطع نفسنا واتهد حيلنا ومخنا بقا ترالالي محتاج ترقيع
وياعيني كل ذنوبنا دعاوينا من قلوبنا نعدي بالسلامة بتقدير فزيع
ودلوقتي كل اللي قدامنا نتمنى يجيلنا امتحان إن شالله صعب ورفيع
احسن ما يجيلنا سمعوا الكتاب يا ولادنا ولا يقول اذكر علاقة السيكورتي بالضفاضيع
بس للأمانة يعني السيكيورتي دي شربات مغلي فمتزودش منه لدماغك يحصلها طراقيع
وعلى رأي المثل مش كل سيفر يتعرف ديكربته وبكرة ومهما حصل هناكل بعد الامتحان فشر المفاجيع

سارة

زي ملاك ابيض جميل رفرف فوقينا بجناحه وسالنا وقال انتو مين؟
قولناله احنا اللي الدنيا مغلبانا وماشين لفين ولا احنا عارفين
قال انا اسمي سارة وجبني للدنيا الغدارة انسان من غيره بحس اني زي يتيم
قالت اسمه حسن والأمان بعيونه اترسم زي طريق امل في قلب حزين

سألتنا: يا ترى هى الدنيا بتقسى علينا ولا احنا اللي بجمالها مش حسين
شوية تحضنا بسعادتها وشوية تستخسر فرحتنا ودايما سايبانا محتاسين
عايشين حياتنا في مركب بنأدف وعمالة تمطوح فينا السنين
واما ندور في يوم ع الحب ويكوينا الشوق وندوب في الحنين
يجي الزمان يهد امالنا ويغير حالنا ويكتب على قلوبنا مصير المجروحين
وحتى الناس...كل الناس...اعز الناس في احزانا بينسونا ويسيبونا غرقانين
ولما في يوم نحتاج لقلوبهم وندق بابهم نلاقيهم عننا تايهين

قولنالها لحد ما يجي امر الله والناس يقولوا يا الله دا كان من احسن البني ادمين
هتستمر الحياة وامرنا لله واديها ايام ويمر علينا الزمان وادينا عايشين
وارجعي تاني للدنيا يا سارة يمكن نصادف يوم ونلاقي في الدنيا دوا للأنين

الجيش العربي فين!

يا ترى هو فين؟؟؟؟؟!!!!!