ليه بصيت في عنيا
* ليه بصيت في عنيا
قصدك تحيرني بهواك
تسهرني الليل ابات افكر فيك على امل انساك
يعيــش جوايا حلم جميل اتمنى يكون جواك
واشوف في خيالي ايدي بتلمس ويا ايدك نجم سماك
واصحا من حلمي اعد رموش عنيك يمكن اشوفك في منامي ملاك
*ليه بصيت في عنيا
عايزني اغرق في عنيك
يشفوني الناس يفتكروني اسير واتبعت ليك
واسمع بصوت عالي دقات قلبي بتناديك
وان قلبي من الشوق غنى وطار حواليك
و راحت الناس وانتهت الدنيا وانت بتنجندني بايديك
*طاب ليه بصيت في عنيا
آه لو عنيك تتكلم
كنت سالتها فين منها قلبي اللي بيتالم
واريحك يا قلبي وكفايا بقى ع الماضي نتندم
وتقول اهي كانت ايام وصاحبي المسكين منها اتعلم
وتنسى ببكرة جراحك وتعيش مع عيون حبيبك للدنيا تتبسم
*طاب ليه بصيت في عنيا
استنا يا قلبي مستعجلش
مش يمكن كانت نظرتها بريئة ولا تكون اصلا مبصتلكش
سمعك بتقولي اوعى يا صاحبي اوهامك تقتل مناك متستسلمـش
اقولك ادعيلي انول من نظرة تانية رضاها عني اياك متنتظرش
*طاب ليه متبصش تاني في عنيا
No comments:
Post a Comment