اسكتش طلبة حاسبات

SC
ليه الناس فاكرينا عباقرة ......... داحنا غلابة والنهاردة الخميس
داحنا لو كنا بنبحث في الذرة ....... كان زمانا فجرنا إبليس
عمالين نسمويليت ونؤبتميز .......... يا خوفي لمخي يلسع في مسأله فطيس
بدات اشك اني جنيت على نفسي ....... او ممكن اعتبرها مصايب مصحوبة بفسافيس
مفضلش غير اننا نسمويليت البطة ....... بقا دي مش بالذمة حاجة تغيظ
CSys
ممكن حد يساعدني ........... ويشغل السيركوت عشاني
واللي هيتطوع ويشغلها ..... ليه مني بروسيسور مجاني
كان نفسي اشغله معاكم ...... بس مش طالبة تفرقع في وشي تاني
نفسي انفض للسيسكو ......... واخلي النت ورك ينساني
تفتكروا لو ولعت الدنيا ......... هتقولوا عليا بروجرامجي ولا فكهاني

CS
محدش شاف مخدة ......... محدش يسلفني سرير
لو كنت اعرف معنى الهدة ..... كان احسنلي اشتغلت غفير
قالولي يا عم اهدا دانت بردك الكبير ..... قولتلهم ياخونا هعيط دماغي بقا فيها صفير
نفسي في يوم اغلط واهيث .............. نفسي في اغطس في الاحلام واطير
دانا كل ما البس النضارة ............ بعملها سجمنتشن وبعدين كلير
ياناس قولولي كدا مخي راح ...... ولا ممكن يتعمله زوم واشوفه تاني في يوم كبير

IS
حد عاوز حاجة من زين ...... اصلي مريح من البريك ساعتين
بعدها هروح النادي ........ واخدلي غطس في البسين
وهارجع اشوف الماتش ...... واظبط مع العيال رحلة دريم
ولو الدش كان قاطع ..... ممكن افتح السلايدس احفظلي كلمتين
وفي الآخر يقولك اي اس دي فاضية ....... يا باي ع الناس الحقودين