خسارة
خسارة على كل كلمة حب متقلتش لحد إلا ليكي
على قلبي اللي عاش يدور على نهايته بإيديكي
على بسمة وهمي وكنت فاكرها ضحكة عنيكي
لولا إن القسية في حبك حرام كنت كرهت الأيام
كل يوم بيعدي فىحبك بيجلد شوقى بكرباج الغرام
ويكوي قلبي بنار جفاكي ويطرده من جنة الأوهام
كنت بحس إني من غيرها في الحياة زي الغريب
بحب الدنيا وهى معايا وأنسىالكون لما عنىتغيب
وأتمنة فىهجرها الموت يمكن يخليني منها قريب
لكن هي محستش بيك يا قلبي أو إستغنت عن حبنا
متحلمش بعد الحقيقة بالأوهام خلاص ضاع حلمنا
بكرة تنساها وتلاقي إنسان تاني يحس بينا ويودنا
متستسلمش يا قلبي ولو رجوعها يطيب جراحك
بلاش تعانىتانىأشواك القسوة فىطريق أفراحك
إزاي تتمنىحنضل غدرها إنه يبقىزهرة صباحك
يا قلبي مش خسارة جراحك مش خسارة الألم
أنا وإنت كنا بنتعلم جرح الأيام في مدرسة الزمن
أما هي رسمت لنفسها بالغدر طريق نهايته الندم
No comments:
Post a Comment